स्थानीय बजारमा आइतवार सुनको मूल्य २०० रुपैयाँले घटेको छ ।

नेपाल सुनचाँदी व्यवसायी महासंघका अनुसार आइतवार सुनको मूल्य प्रतितोला ९३ हजार ६०० रुपैयाँ कायम भएको छ । अघिल्लो दिन अर्थात् शुक्रवार सुनको मूल्य ९३ हजार ८०० रुपैयाँमा कारोबार भएको थियो ।

यस्तै, यो दिन चाँदीको मूल्य भने बढेको छ । यो दिन चाँदी प्रतितोला १५ रुपैयाँले बढेर १ हजार १६० रुपैयाँ कायम भएको छ । अघिल्लो दिन चाँदी प्रतितोला १ हजार १४५ रुपैयाँमा कारोबार भएको थियो ।

त्यस्तै, अन्तरराष्ट्रिय बजारमा पनि यो दिन सुनको मूल्य भने घटेको छ । यो दिन न्यूयोर्क मर्कन्टाइल एक्सचेञ्जको कोमेक्स डिभिजनमा स्पट गोल्डको मूल्य प्रतिऔंस १ हजार ७०७ दशमलव २७ डलर पुगेको छ ।

त्यसैगरी, डलरको मूल्य पनि यो दिन स्थिर रहेको छ । आइतवार एक अमेरिकी डलरको विक्रीदर १२८ दशमलव ११ रुपैयाँ कायम भएको छ । अघिल्लो दिन पनि एक अमेरिकी डलरको विक्रीदर १२८ दशमलव ११ रुपैयाँ रहेको थियो ।