पलाञ्चोकमा २५ वटा हाते ट्रयाक्टर वितरण

पलाञ्चोकमा २५ वटा हाते ट्रयाक्टर वितरण

पाँचखाल नगरपालिका र नगरको वडा नं ९ को संयुक्त सहयोगमा पलाञ्चोकमा २५ हाते ट्रयाक्टर वितरण गरिएको छ ।
पाँचखाल नगरपालिका वडा नं ९ को प्राङणमा भएको कार्यक्रममा एक कार्यक्रमका विच नगर प्रमुख महेश खरेलले स्थानीय कृषकहरुलाई ट्रयाक्टर वितरण गर्नुभयो । ५ जनाको एउटा समूह बनाएर वितरण गरिएको ट्रयाक्टरले १ सय कृषक परिवारलाई समेट्ने वडा अध्यक्ष किरण श्रेष्ठले जानकारी दिनुभयो । ५० प्रतिशत अनुदानमा कृषकले २० हजार ५ सय मात्र तिर्ने गरी उपलब्ध गराईएको उहाँको भनाई छ ।
ट्रयाक्टर हस्तान्तरण कार्यक्रममा पाँचखाल नगरका प्रमुख महेश खरेलले नगरले पवित्र उदेश्यले वितरण गरेको सामाग्रीको दुरुपयोग नगरी प्रयोग गर्ने विश्वास व्यक्त गर्नुभयो । उहाँले अनुदानमा पाएको भनेर दुरुपयोग नगरी कृषिलाई आधुनिक सँग जोडेर उत्पादन बढाउन प्रयोग गर्न अनुरोध समेत गर्नुभयो । समूहहरुले पाएपनि बुढाबुढी, अशक्तहरुलाई निशुल्क रुपमा सहयोग गर्न पनि अनुरोध गर्नुुभयाेे ।

तपाईको प्रतिक्रिया दिनुहोस्
© 2018 - 2019; All Rights Reserved. Looks Nepal Design and Developed: Webbank Nepal