काठमाडौं । चीनका लागि भारतीय राजदूत प्रदीपकुमार रावत काठमाडौं आइपुगेका छन् । सिचुआन एयरलाइन्सको 3U-3901 उडानद्वारा राजदूत रावत बिहान ११ बजे त्रिभुवन अन्तराष्ट्रिय विमानस्थलमा अवतरण गरेको बताइएको छ । भारतीय सत्तारुढ दल भाजपाका विदेश विभाग प्रमुख डा.विजय चौथाईवाले नेपाल भ्रमणमा रहेका बेला उनको काठमाडौँ आगमनलाई अर्थपूर्ण मानिएको छ ।

रावत बेइजिङ मामिलाका जानकार भारतीय कूटनीतिज्ञका रुपमा परिचित छन् ।  २०७८ सालमा चीनको राजदूत नियुक्त भएका उनी त्यसअघि नेदरल्याण्डका लागि भारतका राजदूत थिए ।
परराष्ट्रमन्त्रालय स्रोतले भने रावतको नेपाल भ्रमण विशुद्ध व्यक्तिगत घुमघामको उद्देश्यले भएको बताएको छ ।