उनले भनिन्, ‘नेपालका हिमालका बारेमा नेपाल मात्र होइन विश्वलाई नै चासो छ ।  किनभने नेपालको हिँउ पग्लिने हो भने सबैलाई समस्या हुन्छ । त्यसकारण यस संवादमा धेरै देशको प्रतिनिधि आउनुभएको छ । यो राजनीतिक फोरम होइन, त्यसकारण यसमा जलवायु परिवर्तन बाहेक अरुबारे छलफल गर्दैनौ । यस कार्यक्रमका बारेमा विगतका सरकारले पनि धेरै प्रयासहरु गरेका थिए । कार्बन र उर्जाको क्षेत्रका बारेमा र नेपालभित्र गर्नुपर्ने कानूनी कुराहरुको बारेमा पनि गम्भीर रुपमा कामहरु अगाडि बढि रहेको छ ।’

कार्यक्रमको मुख्य उद्देश्य जलवायु र पर्वतीय मुद्दामा क्षेत्रीय र अन्तर्राष्ट्रिय सहयोगका विषयमा छलफल गर्नु रहेको उनले बताइन्। सगरमाथा संवाद ‘जलवायु परिवर्तनः हिमाल र मानवताको भविष्य’ भन्ने नारासहित सञ्चालन हुनेछ।