काठमाडौं ।  गुजरात टाइटन्सले दिल्ली क्यापिटल्समाथि शानदार जित हासिल गरेको छ । आइतबार भएको खेलमा सुरुमा ब्याटिङ गरेको दिल्लीले दिएको २०० रनको लक्ष्य पछ्याएको गुजरातले विना विकेटको क्षति १९ ओभरमा २०५ रन जोडेको हो ।

२०० रनको लक्ष्य ओपनरद्वय साई सुदर्शन र क्याप्टेनसमेत रहेका शुभमन गिलले मात्रै खेलेर पूरा गर्दै गुजरातलाई जिताए। यसअघि टस हारेर पहिला पहिला ब्याटिंग गरेको दिल्लीले केएल राहुलको ११२ रनको शतकीय पारीको मद्दतले २० ओभरमा ३ विकेट गुमाउदै १९९ रन बनाउन सफल भएको थियो ।

यो खेलको समाप्तिसँगै शीर्ष स्थानको गुजरात, दोस्रो स्थानको बंगलोरु र तेस्रो स्थानको पन्जाब आईपीएलको प्ले अफमा प्रवेश गरेका छन् । गुजरातसँगै रोयल च्यालेन्जर्स बेंग्लुरू र पन्जाब किंग्सले पनि प्लेअफमा स्थान सुरक्षित गरेको छ। मुम्बई इन्डियन्स, दिल्ली क्यापिटल्स, कोलकाता नाइट राइडर्स र लखनऊ सुपर जायन्ट्समध्ये एक टिम प्लेअफ पुग्नेछ।

मुम्बई, दिल्ली र कोलकाताले दुई खेल खेल्न बाँकी हुँदा लखनऊले तीन खेल खेल्न बाँकी छ।

मुम्बईको १४, दिल्लीको १३, कोलकाताको १२ र लखनउको १० अंक छ।